Mayd imes Sidna Isa?

Aseqsi 1

aseqsi na izrinpr... .. aseqsi na diddan

postmaster@tamazight.info

ئنّاياس لمالاك ئي يوسف : « أيوسف ممّيس ن ـ داود، أد ؤر تگّد أتّاولد مريم ثاويتّ غر ثدّارث نش ئدّخ هاثين أينّا دا تّارو ئگا زگ رّوح ن ـ ربّي. ثدّا أتّارو أربا، گاس عيسى ئدّخ ئدّا أد ئفوكّو ميدّن نس زگ لمعصيّاث نسن.» متّى 1 :20 ـ 21

ئحيا نّا أر ئتغبّازن ميدّن گ ـ وامان ئنّا خف سيدنا عيسى : « نكّين دا كون تغبّازخ گ ـ وامان حما أتّوبم زگ لمعصيّاث نّون. مشان ئدّا أدّ ئدّو ضاري ؤنّا ئجهدن ؤگار ئنو، ؤنّامي ؤر واثاخ أود أداس كّسخ ئدوكا زگ ئضارّ نس. نتّا ئدّا أكون ئغبّز گ ـ رّوح ن ـ ربّي د ـ لعافيث متّى 11:3

ئنّا ناثانائيل لّيگ يانّاي سيدنا عيسى لمرث ثامزواروتّ : « أياسّلماد، شگّين ممّيس ن ـ ربّي أي ثگيد، شگّين أگلّيد ن ـ ئسرائيل. » داي ئنّاياس سيدنا عيسى : « ثومند ئدّخ أش نّيخ انّايخش دّاو ن ـ ثزارث. ئقّانشينّ أتّانّايد ئسكّينّ ؤگرنين أياد.» أها ئنّا ديخ : « سثيتّ أي داون تّينيخ، ئقّانكونينّ أتّانّاين ئگنّا ئرژم د ـ لمالايكاث دا تّالينث أر ضّارنث خف ممّيس ن ـ بنادم. » يوحنا 1 :49 ـ 50

مايد ثنّا مايس مريم ( ثنّا ) : « دوكّ مايد أون ئنّا ثگيمث » يوحنا 2 :5

ئنّا سيدنا عيسى : « ئدّخ ئرا ربّي دّونيث شيگان أينّا خف مي ئوشا ممّيس أفرضي، حما أد ؤر ئتّوخلو كول ؤنّا ئيسّ يومنن مشان أغورس ثيلي ثودرث ن ـ وابدا » يوحنا 3 :6

ئنّا سيدنا عيسى ئي ووداين دّاخ نّا رانين أث نغين ئدّخ أراس ئقّار ئي ربّي ئبّاس، أر ئتسمساسا ئخف نس د ـ ربّي : « سثيتّ أي داون تّينيخ، هاثين ؤر دا ئتگّا ممّيس شا زگ ئخف نس، مشان دا ئتگّا غاس أينّا يانّاي ئبّاس داث ئتگّا ئدّخ أينّا دا ئتگّا ئبّاس كول داث ئتگّا أود ممّيس. ئدّخ ئبّاس دا ئتّيري ممّيس شيگان أراس ئسنعاث أينّا دا ئتگّا كول. ئيّيه، ئدّا أداس ئسنعث ئسكّين نّا ؤگرنين ويد أها ثهبضم. ئدّخ ئمشينّا دا ئسكّار ئبّاس ئمتّينّ أراسن ياكّا ثودرث، أود ممّيس دا ياكّا ثودرث ئي وونّامي ئرا أداست يوش. ؤگار ن ـ ؤياد، ئبّاس ؤر دا ئتحشام خف أود يوكّ، مشان ئوشا ثانباطّ ئي ممّيس أد ئحشم حما أد سّمغورن ميدّن كول س ـ ممّيس ئمشينّا دا سّمغورن س ـ ئبّاس. ؤنّا ؤر دا ئسّمغورن س ـ ممّيس، ؤر دا ئسّمغور س ـ ئبّاس نّا ثيد يوزنن. » يوحنا 5 :19 ـ 23

ئنّا سيدنا عيسى ئي ئمسثفرّ نّس س ـ ثناعشّ: « ندّا أنگّافي غر لقدس، د ـ ؤينّا أرين لانبيا كول خف ممّيس ن ـ بنادم ئدّا أد ييلي. ئدّا أد ئتّوش ئي لگنوس نّا ؤر گينين ؤداين. دّان أد غيفس تّصين، أها رگمنث، سوسفن غيفس، ئرّزنث أها نغينث. مشان گ ـ واسّ ويسّ شراض ئدّا أدّ ئكّر زگ لموث. » لوقا 18 :31 ـ 33

ئنّا سيدنا عيسى : « نكّين أمكسا نّا ئژيلن. نكّين سّنخ ؤولّي نو د ـ وولّي نو سّننثي ـ غاس ئمشينّا يي يسّن ئبّا أها ئسينخ ئبّا ـ أر أكّاخ ثودرث ئنو خف نّيرث ن ـ وولّي نو.

.... ئبّا دا يي ئتّيري ئدّخ دا تّاكّاخ ثودرث ئنو ـ غاس حما أتّير رارخ. أود يوكّ ئي ئتكّسن ثودرث ئنو، مشان أتّ ؤشخ س ـ لخاضر ئنو. ثلّا غوري ثنباطّ أتّ ؤشخ أها ثيلي غوري ثنباطّ أ تّيد رارخ . أياد أيد ئنّا ئبّا أث گخ. يوحنّا 10: 14، 15، 17، 18

ماي دا تّينيم؟ كولّ ؤنّا دا ئتّينين يومن س ـ سيدنا عيسى، ئخصّاياس أد يامن س ـ ئواليون ن ـ سينا عيسى . مش ؤر دا تّامنم س ـ ئواليون ن ـ سيدنا عيسى، ؤر دا ئيسّ تّامنم أود نتّا. أينّا دا ئسنعاث ئيس ؤر ثدّيم أتّفوكّام زگ لمعصيّاث نّون أها ؤر ئدّي ربّي أداون ئيگ رّحمث حما أتّديرم أگيدس أها تّفارمث، داي ؤر ثدّي أغورون ثيلي ثودرث ن ـ وابدا.