n ussɣad

Lqist n rebbi d benadam

Ta-d ayd igan lqist n rebbi d midden :  mimc ixleq rebbi benadam d mimc teƹṣa benadam d mimc iga rebbi ḥma ad iɣfer ddnub n cceƹb nnes.  Yut n lqist n tayri zi tizwiri al tingiri !

Tudert n Sidna Nuḥ

Lqist n nnabi nuḥ d ṭṭufan d taḍa (nɣed lƹehd) nna iga rebbi d nuḥ d midden kul.

Tudert n Sidna Musa

Lqist n nnabi musa.  Rebbi isexdem-t ḥma ad issufeɣ tarwa n isra’il (nɣed beni isra’il) zi miṣr.  Ntta ay-d yiwin zi rebbi cceriƹa nnag llant ƹecra n luṣiat.  Amci-d izayd rebbi s musa i taḍa nnes d cceƹb nnes.

Tudert n Raƹut

Lqist n yut n temṭṭuṭṭ, ism nnes raƹut, nna ittumerreten s lmut n uryaz nnes.  Tekka la ttiri tamɣart nnes ƹnugga, tzri-n tamazirt nnag tlula ḥma a ttmun dids.  Amci-d ay tssen sidi rebbi arsli nna-s yucan yun uryaz tƹic dids g lehna d ufraḥ.  Nttat ayd igan immaḥellus n ibbas n nnabi dawud tig altu zi iẓuran n lmasiḥ.

Tudert n Yunes

Yunes iɣra-yas rebbi ḥma ad iddu ad inhu cceƹb imeƹṣi n temdint tamqrant ism nnes ninewa.  Allig irwel zi lexdemt nna-s yuca rebbi, iṣerḍ-t yuk uslem imqqur.  Ilazem-t ad itub beƹda ntta.  Ɣer tingiri idda ɣer ninewa allig-ten inha aha tuben midden.  Dis ayd ilmed yunes cigan xef usameḥ d rrḥemt n rebbi. 

Ineɣmisen nna da issfraḥn

Aya-d la-x itƹawad aneɣmis iẓill n lexdemt n rebbi ḥma ad ifukku cceƹb nnes zi ddnub nnesen.  Sseɣd-t-as ḥma ad tisinem mimc teddum ɣer igenna.

Mc tram ad tqram awal nna da isawaln xf «ineɣmisen nna da issfraḥn» nqqrat daha

Linjil n sidna ƹisa lmasiḥ imcinna-t yaru umazan luqa

Luqa, amazan n rebbi, la-x iteqqis linjil n sidna ƹisa lmasiḥ.  Awal n linjil la iteƹnu « aneɣmis iẓill «.  Linjil-ad n luqa la iteqqis tudert n lmasiḥ d tlalit nnes  s lmuƹjiza d lmuƹjizat nna iga d mimc-t nɣan midden waxxa ur istahel lmut.  Tancra nnes zi lmut ḍart n craḍ n wussan la-x ttenƹat is irra ddnub d jahnnama d cayaṭin d iblis.  Aneɣmis iẓill is-d idda lmasiḥ ɣer ddunit ḥma ad ifukku midden imeƹṣiten am nukni. 

Mc tram ad tqram ainna yuri luqa nqqrat daha

Tudert n sidna ƹisa

Awal-ad xf tudert n lmasiḥ la iteqqis xef telalit nnes d tudert nnes d lmuƹjizat nnes d lmut nnes d tencra nnes zi lmut d wali nnes s igenna.  Ad digs tafit ma-xef allig d-idda lmasiḥ d mayd illan g tebratt nnes d ma da-x ttini lmut nnes d tencra nnes luqt-ad.  Lebdu n wawal la-x ittenƹat ansa n lmasiḥ g wammas n lanbia.

Lqisat n sidna ƹisa

  Lmasiḥ la iteqqis lqisat aha yuc lmital ḥma ad ilmed lḥeqq n rebbi.  Han rebƹa zigsent.

 Awal n sidna ƹisa xef tadjjwart

 Mimc ttirit adjjar nnec?  Lqist-ad la-x takka lwajab.

Lqist n yun urgaz d waraw nnes s sin 
Mecta n ufraḥ ayd illan g igenna adday itub yuk imeƹṣi?  D midden nna tɣall is ur ḥdadjan ad tuben?  Lwajab illa g lqist-ad.

Mc tram ad tqram «lqist n yun urgaz d waraw nnes s sin» nqqrat daha

Lqist n temeɣra taxatart
Matta wi-d nna ittilin ḥaḍren g lficṭa g tegeldit n rebbi?  Is da ttisind is ttuƹerḍt?  Lwajab a ttaf-it g lqist-ad.

Lqist n zakka
Is ad iɣiy rebbi ad iɣfer i benadam mi yuseƹ udis ig amucar?  Lwajab a ttaf-it g lqist-ad.

Awal ittwasi zeg lectab n « iskkinn nna gan imazann »

Awal-ad ittwasi zeg lectab n « iskkinn nna gan imazann », nna ittyasin zeg lectab n rebbi nna ittussfran s tmaziɣt.  Luqa a da iteqqisen s uqmu nnes lqist n tudert n imumenn imzwura d tmara nna ɣifsen ikkan ḍart n mayd yuli sidna ƹisa ɣer igenna, ḥma ad ṣṣiweḍen awal nnes i midden.

Llig ɣifsen-d iḍer rruḥ n rebbi ar sawalen s wawal n legnus ḍnin, ɣalen midden is swan ccrab ; macan yuc-as rebbi i butrus zzƹamt ad-asen issfru s wawal n rebbi aynna ijran.  Ar issara ntta d yuḥanna ar tberraḥen s ineɣmisen ẓilnin xef lmasiḥ aha ttukeṛfṣen cigan.

Bulus ntta ikka ism nnes cawul, ar ittekeṛfaṣ agraw n imumenn, ar itsebbab g lmut nnesen ; macan yan wass iffeɣ-d ɣurs lmasiḥ s ixf nnes aha ibeddel tudert nnes.  Bulus tekka ɣifs tmara iweƹren ḥma ad iḍaƹ tenbaṭṭ n sidna ƹisa lmasiḥ llig a-s inna « gix-c d asidd i legnus nna ur ginin udayn ḥma an-n tṣṣiweḍḍ afukku i ddunit kul. »  Ikker bulus ar itekka timizar ar itberraḥ s wawal n rebbi, iṣber i txendallasin n midden d tmariwin nna ɣifs sikkan, iṣber aggwd i titi d lḥebs.