n uferrej

Lqist n rebbi d benadam

Ta-d ayd igan lqist n rebbi d midden :  mimc ixleq rebbi benadam d mimc teƹṣa benadam d mimc iga rebbi ḥma ad iɣfer ddnub n cceƹb nnes.  Yut n lqist n tayri zi tizwiri al tingiri !

Ineɣmisen nna da issfraḥn

Aya-d la-x itƹawad aneɣmis iẓill n lexdemt n rebbi ḥma ad ifukku cceƹb nnes zi ddnub nnesen.  Sseɣd-t-as ḥma ad tisinem mimc teddum ɣer igenna.

Lfilm n tudert n sidna ƹisa

Lfilm-ad n tudert n lmasiḥ la iteqqis xef telalit nnes d tudert nnes d lmuƹjizat nnes d lmut nnes d tencra nnes zi lmut d wali nnes s igenna.  Ad digs tafit ma-xef allig d-idda lmasiḥ d mayd illan g tebratt nnes d ma da-x ttini lmut nnes d tencra nnes luqt-ad.  Lebdu n lfilm la-x ittenƹat ansa n lmasiḥ g wammas n lanbia.

 Lqisat

Lmasiḥ la iteqqis lqisat aha yuc lmital ḥma ad ilmed lḥeqq n rebbi.  Han rebƹa zigsent.

Iskkinn nna gan imazann  

Lfilm-ad ittwagga zeg lectab n « iskkinn nna gan imazann », nna ittyasin zeg lectab n rebbi nna ittussfran s tmaziɣt.  Luqa a da iteqqisen s uqmu nnes lqist n tudert n imumenn imzwura d tmara nna ɣifsen ikkan ḍart n mayd yuli sidna ƹisa ɣer igenna, ḥma ad ṣṣiweḍen awal nnes i midden.

Llig ɣifsen-d iḍer rruḥ n rebbi ar sawalen s wawal n legnus ḍnin, ɣalen midden is swan ccrab ; macan yuc-as rebbi i butrus zzƹamt ad-asen issfru s wawal n rebbi aynna ijran.  Ar issara ntta d yuḥanna ar tberraḥen s ineɣmisen ẓilnin xef lmasiḥ aha ttukeṛfṣen cigan.

Bulus ntta ikka ism nnes cawul, ar ittekeṛfaṣ agraw n imumenn, ar itsebbab g lmut nnesen ; macan yan wass iffeɣ-d ɣurs lmasiḥ s ixf nnes aha ibeddel tudert nnes.  Bulus tekka ɣifs tmara iweƹren ḥma ad iḍaƹ tenbaṭṭ n sidna ƹisa lmasiḥ llig a-s inna « gix-c d asidd i legnus nna ur ginin udayn ḥma an-n tṣṣiweḍḍ afukku i ddunit kul. »  Ikker bulus ar itekka timizar ar itberraḥ s wawal n rebbi, iṣber i txendallasin n midden d tmariwin nna ɣifs sikkan, iṣber aggwd i titi d lḥebs.